Салық департаментінің сайтына кіру

           Департаменттің негізгі міндеттері, функциялары мен құқықтары

                 Департамент Қазақстан Республикасының Қаржы министрлігі Салық комитетінің құзыреті шегінде заңнамада белгіленген тәртіпте мынадай қызметтерді жүзеге асырады:

      мемлекет мүдделерін қорғау;

                  «Салық және бюджетке төленетін басқа да міндетті төлемдер туралы» Қазақстан Республикасының Кодексінде (Салық кодексі) белгіленген тәртіпте салық төлеушінің салық міндеттемелерін, салық агентігінің салықтарды есептеу, ұстау және аудару бойынша міндеттерді орындауына бақылау;

         әлеуметтік аударымдардың толық есептелуін және уақтылы төленуін, міндетті зейнетақы жарналарының уақтылы есептелуін, ұсталуын және аударылуын бақылау;

      нормативтік құқықтық актілерде белгіленген өз құзыреті шегінде  салықтық және салықтық емес түсімдерді (мемлекеттік кәсіпорындар пайдасынан үлестерінің, мемлекеттік меншік болып табылатын акциялар пакеттеріне дивиденттердің, «Байқоңыр» кешенін пайдаланғаны үшін жалға алу төлемақысынан, ресубликалық мемлекеттік мүліктерді жалға беру мен сатудан, мемлекеттік меншік объектілерін жекешелендіруден түскен түсімдерді, капиталмен жүргізілген операциялардан түсімдерді қоспағанда) бақылау және талдау;

       салық төлеушіге (салық агентіне) қолданыстағы салықтар мен бюджетке төленетін басқа да міндетті төлемдер туралы, Қазақстан Республикасының салық заңнамасындағы өзгерісткр туралы ақпараттарды беру, салық нысандарын толтыру тәртібін түсіндіру;

                  салық төлеушілерге (салық агенттеріне) бекітілген Мемлекеттік қызмет көрсету Стандарттары мен Регламенттерін, белгіленген салықтық өтініштер нысандарының бланкілерін және (немесе) салық есептілігі мен өтінішті электронды түрде табыс ету үшін қажетті бағдарламалық қамтамасыз етуді беру;

                  Мемлекеттік қызмет көрсету Стандарттары мен Регламенттеріне    

          сәйкес   мемлекеттік қызмет көрсету;

                  салық басқармаларының бекітілген Мемлекеттік қызмет көрсету    

         Стандарттары мен Регламенттерін сақтауын бақылау;

                  өз құзыреті шегінде Салық кодексінде белгіленген тәртіппен және  

         мерзімде салықтардың, бюджетке төленетін басқа да міндетті төлемдер   

         мен өсімпұлдардың артық төленген сомасын, есепке жатқызылған    

         қосылған құн салығының есептелген салық сомасынан асып кетуін есепке   

         жатқызу (немесе) қайтару; айыппұлды қайтару;

                   салық төлеушілерді, салық салу объектілерін және (немесе) салық    

         салуға байланысты объектілерді есепке алу;

                   есептелген, қоса есептелген және төленген салық және бюджетке    

         төленетін басқа да міндетті төлемдерді есепке алу;

                   есептелген, ұсталған және аударылған міндетті зейнетақы

          жарналарын, есептелген және ұсталған әлеуметтік аударымдарды есепке   алу;    

                   бюджеттің кіріс бөлігін ағымдағы болжауға қатысу;

                   өз құзыреті шегінде бюджетке төленетін міндетті төлемдерді дұрыс

         есептеу,толық өндіріп алу және уақтылы аудару мәселелері бойынша

         уәкілетті мемлекеттік органдар  мен жергілікті атқарушы органдардың

   қызметіне бақылауды жүзеге асыру;

      салық салу саласындағы заңнаманы қолдану тәжірибесін талдау   

   және қорыту, сондай - ақ осы саладағы заңнаманы жетілдіру бойынша

        ұсыныстар енгізу;

  өз құзыреті шегінде өтініш берушінің тексерістер жүргізу жолымен этил спирттін, алкоголь өнімдері мен темекі өнімдерін өндіру бойынша қызметке қойылатын біліктілік талаптарына сәйкестігін анықтау;

      Қазақстан Республикасының ақпарттандыру туралы заңнамасына сәйкес ақпараттық жүйелерді қолдану арқылы электрондық қызметтер көрсету;

      халықаралық іскерлік операцияларда трансферттік бағаларды қолдану кезеңдегі мемлекеттік бақылау, мәмілелер бағасының тауарлардың (жұмыстардың, қызметтердің) нарықтық бағадан ауытқуы мәселесі бойынша тексеру, мәмілелер бағасының  нарықтық бағаданауытқуы фактісін анықтау кезінде салық салу объектілерін түзету және трансферттік бағалар қолданылуы мүмкін мәмілелерді мониторингін жүргізу;

      Салық кодексіне сәйкес салық міндеттемелерінің орындалуын және салық төлеушінің (салық агентігінің) салық берешегін мәжбүри тәртіпте өндіріп алуды қамтамасыз ету тәсілдерін қолдану бойынша жұмыстарды жүзеге асыру;

      салық төлеушілердің (салық агенттерінің) салықтық тексеру нәтижелері туралы хабарламаға, сондай - ақ Департаменттің және салық басқармаларының лауазымды адамдарының іс - әрекеттеріне (әрекетсіздігіне) шағымдарын Салық кодексіне белгіленген тәртіппен және мерзімдерде қарау;

     салық төлеушілердің (салық агенттерінің) төмен тұрған салық басқармалары шығарған әкімшлік құқық бұзушылықтар туралы қаулыларына шағымдарын қарау;

      салық төлеушінің (салық агентігінің) салықтық өтініші бойынша Салық кодексінде белгіленген тәртіппен және мерзімде мынадай:

      салық берешегінің, міндетті зейнетақы жарналары және әлеуметтік аударымдар бойынша жоқ екендігі туралы;

      салық берешегінің, міндетті зейнетақы жарналары және әлеуметтік аударымдар бойынша берешектің жоқ екендігі (бар екендігі) туралы;

      резидент еместің Қазақстан Республикасындағы көздерден алған табыстарының және ұсталған (төленген) салықтардың сомасы туралы анықтама түрлерін беру;

      Салық кодексінде белгіленген тәртіпте салық есептілігін және салықтық өтініштерді қабылдау;

      Салық төлеушіден (салық агентінен) Қазақстан Ресубликасы салық заңнамасының анықталған бұзушылықтарын жоюды талап ету және өз құзыреті шегінде осы талаптардың орындалуын бақылау;

      Салық төлеушілерге салық міндеттемелерінің туындауы, орындалуы және тоқтатылуы бойынша түсіндіру және түсінік беру бойынша жұмыстарды жүзеге асыру;

      Салық заңнамасының  орындалуына бақылауды жүзеге асыру бойынша жергілікті мемлекеттік органдармен өзара іс - әрекет жасау;

      этил спиртінің, алкоголь өнімінің, темекі өнімдерінің және жекелеген мұнай өнімдерінің өндірілуі мен айналымын бақылауды жүзеге асыру бойынша жергілікті мемлекеттік органдармен өзара іс -әрекет жасасу;

      қолданыстағы заңнамаға сәйкес таңбалануға жататын акцизделетін өнімдер бойынша акциздік таңбаларды сатып алуға, сақтауға және есепке алуға, сондай - ақ есепке алу - бақылау жасауға, сатып алуға және есепке алуға бақылау;

     мұнай өнімдерінің жекелеген түрлеріне ілеспе жүкқұжаттарының сақталуына, есепке алуына және берілуіне бақылау;

      өз құзыреті шегінде мұнай өнімдері нарығы субъектілерінің Қазақстан республикасының мұнай өнімдерінің жекелеген түрлерін өндіруді және олардың айналымын мемлекеттік реттеу туралы заңнамасының сақталуын, сондай - ақ бюджетке акциздердің толық және уақытылы бақылау;

      мемлекеттің меншігіне айналдырылған мүлікті есепке алу, сақтау, бағалау, одан әрі айдалану және өткізу тәртібінің сақталуын, оның Қазақстан Республикасының заңнамасына сәйкес тиісті уәкілетті мемлекеттік органға толық және уақтылы берілуін, сондай -ақ ол өткізілген жағдайда бюджетке ақшаның толық және уақтылы түсуін бақылау;

      өз құзыреті шегінде этил спирті мен алкоголь өнімдерін өндіру және олардың айналымы, темекі бұйымдарының өндірісі мен айналымы, темекі бұйымдарының өндірісі мен айналымы, мұнай өнімдерінің жекелеген түрлерінің өндірісі мен айналымы саласында Қазақстан Ресубликасының лицензиялау туралы заңнамасының сақталуын бақылау;

      халықаралық шарттарды әкімшілендіру және салық салу мәселелері бойынша шетел мемлекеттерінің құзыретті органдары арасындағы келісімдермен көзделген жағдайларда ақпарат алмасуды жүзеге асыру;

      халықаралық шарт жасапаған мемлекеттердің резидент еместерінің қызметін әкімшілендіру;

      сыртқы экономикалық қызметті жүзеге асыратын резиденттердің мәмілелерінің мониторингін жүргізу және оларды әкімшілендіру;

      Қазақстан Республикасының заңнамасында белгіленген тәртіппен жоспардан тыс тексерулерді жүзеге асыру;

      ведомстволық бақылауды жүзеге асыру;

      салық басқармаларының тақырыптық тексерулерін жүзеге асыру;

      Қазақстан Республикасы заңнамаларында көзделген өзге де қызметтер.

              Өзіне жүктелген функцияларды жүзеге асыру кезінде Департамент:

      салық бақылауын жүзеге асыруға;

      заңнамада белгіленген тәртіпте Департаменттің функцияларын іске асыру үшін қажетті ақпараттар мен құжаттарға сұрау және алуға;

      Қазақстан Ресубликасының заңнамалық актілермен белгіленген талаптарды сақтай отырып, бухгалтерлік құжаттамаларына, сметаларына, ақшасының, құнды қағаздарының бар, жоқтығына, есеп айырысуларына, декларацияларына және салық міндеттемелерін орындауына байланысты өзге де құжаттарға тексеру жүргізуге;

      Салық төлеуші (салық агенті) осындай бағдарламалық қамтамасыз етілімді және (немесе) ақпараттық жүйені пайдаланған жағдайда, банктердің және банк операцияларының жекелеген түрлерін жүзеге асыратын өзге де ұйымдардың өз клиенттерінің банктік туралы, Қазақстан Республикасының заңнамалық актілеріне сәйкес банктік құпия болып табылатын мәліметтер қамтылған бағдарламалық қамтамасыз етілімі мен (немесе) ақпараттық  жүйесінің деректерін көруге қол жеткізуге құқығын қоспағанда, салық төлеушіден (салық агентінен) бастапқы есепке алу құжаттарының деректері, бухгалтерлік есеп тіркелімдері, салық салу объектілері және (немесе) салық салуға байланысты объектілер туралы ақпарат қамтылған бағдарламалық қамтамасыз етілімінің және (немесе) ақпараттық жүйенің деректерін көруге қол жеткізу құқығын беруді талап етуге;

      cалық төлеушіден (салық агентінен) салықты және бюджетке төленетін басқа да міндетті төлемдерді есептеудің дұрыстығын және төлеудің (ұстаудың және аударудың) уақтылылығын, міндетті зейнетақы жарналарын есептеудің, ұстау мен аударудың және әлеуметтік аударымдарды есептеу мен төлеудің толықтығы мен уақтылылығын растайтын құжаттарды, салық төлеуші (салық агенті) жасаған салықтық нысандар бойынша жазбаша түсіндірмелерді, сондай -ақ салық төлеушінің (салық агентінің) қаржылық есептілігін, оның ішінде резидент салық төлеушінің (салық агентінің) Қазақстан Республикасынан тыс жерлерде сұраныстан еншілес ұйымдарының қаржылық есептілігін қоса алғанда, егер осындай тұлға үшін Қазақстан Республикасының заңнамалық актілерінде міндетті түрде аудит жүргізу белгіленген болса, аудиторлық есепті қоса бере отырып, шоғырландырылған қаржылық есептілігін беруін талап етуге;

      салықтық тексеру барысында Қазақстан Республикасының  Әкімшілік құқық бұзушылық туралы кодексінде айқындалған тәртіппен салық төлеушіден (салық агентінен) әкімшілік құқық бұзушылықтар жасалғаны туралы айғақтайтын құжаттарды алып қоюды жүргізуге;

      нұсқама негізінде объектінің тұрған жеріне қарамастан, салық салу объектісі және (немесе) салық салуға байланысты объекті болып табылатын мүлікті тексеруге, салық төлеушінің (салық агентінің) мүлкіне (тұрғын үй - жайлардан басқа) түгендеу жүргізуге;

      банктерден және банк операцияларының жекелеген түрлерін жүзеге асыратын ұйымдардан Салық кодексінің 581 - бабының 1) және 4) тармақшаларында табыс етілуі көзделген мәліметтерді алуға;

      банктерден және банк операцияларының жекелеген түрлерін жүзеге асыратын ұйымдардан коммерциялық, банктік және заңмен қорғалатын өзге де құжат болып табылатын мәліметтерді жария етуге Қазақстан Республикасының заңнамалық актілерінде белгіленген талаптарды сақтай отырып, Салық кодексінің 581- бабының 12) тармақшасында аталған тұлғаларға қатысты банктік шоттардың бар - жоғы және нөмірлері туралы, осы шоттардағы ақша қалдығы және қозғалысы туралы мәліметтер алуға;

      Салық кодексінде белгіленген тәртіппен салық салу объектілерін және (немесе) салық салуға байланысты объектілерді жанама әдіспен айқындауға;

      қолданыстағы заңнамаға сәйкес таңбалануға жататын акцизделетін өнімдер бойынша акциздік таңбаларды сатып алуға, сақтауға және есепке алуға, сондай - ақ есепке алу - бақылау таңбаларын жасауға, сақтауға, сатып алуға және есепке алуға бақылауды жүзеге асыруға;

      акцизделетін өнімдерді сақтауды және олардың айналымын жүзеге асыратын заңды және жеке тұлғаларға акцизделетін өнімдердің өндірілуі мен айналымынан акциздердің толық және уақтылы түсуі бөлігінде тексеруді жүзеге асыруға;

     салықтық тексерулерге мамандарды тартуға;

     Салық кодексінде белгіленген тәртіпте салық есептілігін табыс етуді тоқтата тұру туралы немесе салық есептілігін табыс етуді тоқтата тұрудан бас тарту туралы шешім қабылдауға;

     Салық кодексінде белгіленген тәртіпте төлем көзінен ұсталған табыс салығын қайтару туралы не қайтарудан бас тарту туралы шешім қабылдауға;

    арнаулы салық режимін қолдану туралы не қолданудан бас тарту туралы, сондай ақ арнаулы салық режимін қолдануды тоқтату туралы шешім қабылдауға;

     Қазақстан Республикасының заңнамасына сәйкес сотқа талап-арыз, оның  ішінде Қазақстан Республикасы Азаматтық кодексінің 49-бабы 2-тармағының 1),2) және 4) тармақшаларында көзделген негіздер бойынша занды тұлғаларды тарату туралы талап - арыз беруге;

     уәкілетті және жергілікті аткарушы органдарға салық және бюджетке төленетін басқа да міндетті төлемдердің дұрыс есептелуі, толық алынуы және уақтылы аударылуы мәселелері бойынша тексеру жургізуге;

       өз құзыретті шегінде төмен тұрған салық басқармаларына, сондай-ақ өзге де мемлекеттік органдарға, заңды және жеке тұлғаларға орындауы үшін міндетті нұсқаулар беруге;

       жергілікті бюджеттерге толық көлемде түсетін салықтарды төлеу бойынша салық міндеттемесін орындау мерзімдерін өзгерту туралы шешім қабылдауға;

       Қазақстан Республикасының заңнамалық актілеріне сәйкес әкімшілік жазалар қолдануға;

       қоғамның салық мәдениетін және салық заңнамаларының мәселелері жөнінде ақпараттылығын арттыру бойынша іс-шаралар ұйымдастыруға және өткізуге;

       кадрлердің біліктілігін арттыру бойынша іс-шаралар жүргізуге құқылы .

       Департаменттің Қазақстан Республикасының заңнамасында көзделген өзге де құқықтары бар.