Есімова Бақыт Амангелдіқызы Ақмола облысының жұмыспен қамтуды және әлеуметтік бағдарламаларды үйлестіру басқармасының бастығы

Есімова Бақыт Амангелдіқызы  1984 жылы 29 қаңтарда Павлодар облысында дүниеге келді. Ұлты - қазақ. Білімі - жоғары. Тұрмыс құрған.

2006 жылы «Болашақ» бағдарламасы бойынша Санкт-Петербург  мемлекеттік инженерлік-экономикалық университеті» жоғары кәсіптік білімнің мемлекеттік білім беру мекемесін қаржы және несие мамандығы бойынша оқып, экономист біліктілігін алды. Университетті үздік дипломмен аяқтаған. Мемлекеттік және орыс, ағылшын тілдерін жетік меңгерген.

Еңбек жолын 2006 жылдың шілде айынан бастап - «Қазақстанның жастар конгрессі» ҚЗТ атқарушылық директоратының аймақтар бойынша менеджері, 2006 жылдың қыркүйек айынан «Қазақстанның жастар конгрессі» ҚЗТ атқарушылық директоратының аппарат басшысы, 2007 жылдың қаңтар айынан - ҚР Индустрия және сауда министрлігінің «Сауда саясатын дамыту орталығы»  Сауда даму басқармасы сарапшысы, 2008 жылдың ақпан айынан бастап - ҚР Мемлекеттік қызмет істері агенттігінде Мемлекеттік қызметті кадрмен қамтамасыз ету департаментінің стратегиялық жоспарлау және қоғаммен байланыс басқармасының бастығы,  2010 жылдың наурыз айынан бастап - Ақмола облысының жұмыспен қамтуды және әлеуметтік бағдарламаларды үйлестіру басқармасы бастығының орынбасары, 2011 жылдың наурыз айынан бастап - аталған Ақмола облысының жұмыспен қамтуды және әлеуметтік бағдарламаларды үйлестіру басқармасының бастығы.